26 February 2008
Humne dekhe hain kai rang badalne wale...........
Dost milte hain yahaan dil ko dukhaane ke liye
Ungliyaan rakhte hain woh hum pe uthaane ke liye!
Kyaa qusoor un ka ye ek rasm chalii aaii hai
tohmatein hoti hain duniyaa mein lagaane ke liye!
Naakhudaa maan ke baithe hain jin ki kashtii mein
Woh hamein maujon mein laaye the Dubaane ke liye!
Woh havaaon ki tarah rukh ko badal lete hain
Hum naseebon se lade the jinhen paane ke liye!
(tohmatein-accusation, naakhuda-boatsman, naseebon-destiny)
HUM TOH KYA DAMAN-E-YOUSUF BHI NA MAHROOM RAHA!
KITNI TOHMATEIN TARASHI GAYI HUM SE PEHLE!!!!!!!!!!!!!!!
09:56 Posted in Poetry Corner | Permalink | Comments (9) | Email this
15 March 2007
koi yeh kaise bataye.........
Koi yeh kaise bataaye ke vo tanhaa kyon hai?
Woh jo apna tha wahi aur kisi ka kyon hai?
Yahi duniya hai toh phir aisi ye duniya kyon hai?
Yahi hota hai toh aakhir yahi hota kyon hai?
Ek zaraa haath badhaa de to pakadle daaman
Uske seene mein samaa jaye hamaari dhadkan
Itni khurbat* hain toh phir faaslaa itnaa kyon hai?
Dil-e-barabaad se niklaa nahin ab tak koi
Ek lute ghar pe diyaa kartaa hai dastak koi
Aas jo Toot gayi phir se bandhaataa kyon hai?
Tum masarrat* ka kaho ya ise Gham ka rishtaa
Kahte hain pyaar ka rishtaa hai janam ka rishtaa
Hai janam ka jo ye rishtaa toh badaltaa kyon hai?
khurbat = nearness
masarrat= happiness
Kaifi Azmi ke alfaaz, Jagjit Singh ki awaaz.
02:25 Posted in Poetry Corner | Permalink | Comments (16) | Email this
01 February 2007
Jee nahin chahta jeene ko.......
Kyun hamein maut ke paighaam diye jaate hain
Ye saza kya kam hai ke jiye jaate hain!
Nasha dono mein hai saaqee mujhe gham de ya sharaab
Mai bhee pee jaatee hai, aansoo bhi piye jaate hain!
Ek tu hai ke hamaari nahin tujhko parva
Ek hum hain ke tera naam liye jaate hain!
Zindagi apnee kashaakash mein guzartee hai Shamim
Jee naheen chaahta jeene ko, jiye jaate hain!
07:00 Posted in Poetry Corner | Permalink | Comments (15) | Email this
24 January 2007
AAAAAaaaaahhhhhh
Kal aur Aaj
Woh bhi kyaa log the aasaan thi raahein jin ki
Band aankhen kiye ek simt chale jaate the
Aql-o-dil Khvaab-o-haqeeqat ki na uljhan na Khalish
MuKhtalif jalve nigaahon ko na bahlaate the!
[Khalish=pain/prick; muKhtalif=different types]
Ishq saadaa bhi thaa beKhud bhi junoon-peshaa bhi
Husn ko apani adaaon pe hijaab aataa thaa
Phool khilte the to phoolon mein nashaa hotaa tha
Raat Dhalti thi to sheeshon pe shabaab aataa tha!
[hijaab=coyness]
ChaaNdni kaif asar rooh-afzaa hoti thi
Abr aataa thaa to badmast bhi ho jaate the
Din mein shorish bhi huaa karati thi hangaame bhi
Raat ki god mein mooNh DhaaNp ke so jaate the!
[kaif_asar=inducing intoxication; ruuh_afzaa=soul refreshing]
[abr=cloud; bad_mast=intoxicated; shorish=tumult]
Narm rau vaqt ke dhaare pe safeene the ravaaN
Saahil-o-bahr ke aaiin na badalate the kabhii
NaaKhudaaon pe bharosaa thaa muqaddar pe yaqeen
Chaadar-e-aab se toofaan na ubalate the kabhi!
[narm rau=gently moving; safiinaa=boat]
[saahil=shore; bahr=sea; aa_iin=law/natural way]
[naaKhudaa=oarsman; muqaddar=fate; aab=water]
Ham ke tuufaanon ke paale bhi sataaye bhii hain
Arq-o-baaraa.N mein vo hii shamein jalaayein kaise
Yeh jo aatish-kadaa duniyaa mein bhaDak uTThaa hai
AaNsoon se use har baar bujhaayen kaise!
[barq=lightning; baaraa.N=storm; aatish_kadaa=conflagration]
Kar diyaa barq-o-buKhaaraat ne mahashar barpaa
Apne daftar mein litaafat ke sivaa kuchh bhi nahin
Ghir gaye vaqt ki beraham kashaakash mein magar
Paas tahzeeb ki daulat ke sivaa kuchh bhii nahin!
[bukhaaraat=fevers/great heat; mahashar=day of judgement]
[lataafat=elegance/pleasantness; beraham=merciless]
[kashaakash=struggle; tahaziib=civilization/politeness]
Ye andhera ye talaatum ye havaaon ka Kharosh
Is mein taaron ki subuk narm ziyaa kya kartii
TalKhii-e-ziist se kaDvaa huaa aashiq kaa mizaaj
Nigaah-e-yaar ki masoom adaa kyaa karati!
[talaatum=upheaval; Kharosh=loud noice/cry]
[subuk=delicate (here it means dim); ziyaa=brilliance/shine]
[talKhii-e-ziist=bitterness of reality/life; ka.Davaa=sour taste]
Safar aasaan thaa to manzil bhii badi raushan thi
Aaj kis darjaa pur-asaraar hain raahein apnii
Kitni parachhaaiyaaN aati hain tajallii ban kar
Kitne jalvon se ulajhti hain nigaahein apni!
[darjaa=grade/level; pur_asaraar=full of secrets/intricate/complex]
[tajallii=bright light
07:30 Posted in Poetry Corner | Permalink | Comments (9) | Email this
15 January 2007
Humne bhi socha hai ke, shayad yeh saal achha hai!!!
Aye Naye Saal Bata, Tujh Mein Nayapan Kya Hai
Har Taraf Khalq Ne Kyoun Shoor Macha Rakha Hai!!
Ek Brahman ne kahaa hai ke ye saal achhaa hai!!
Zulm ki raat bahut jald Talegi ab toh
Aag chulhon mein har ek roz jalegi ab toh
Bhook ke maare koi bachaa nahin royega
Chain ki neend har ek shakhs yahaan soyega
Aandhi nafrat ki chalegi na kahin ab ke baras
Pyaar ki fasal ugaaegi zamin ab ke baras
Hai yahin ab na koi shor-sharabaa hogaa
Zulm hogaa na kahin Khoon-kharabaa hogaa
Os aur dhoop ke sadmein na sahegaa koi
ab mere desh mein beghar na rahega koi
Naye vaadon kaa jo daala hai vo jaal achhaa hai
Rahanumaaon ne kahaa hai ke ye saal achhaa hai !!
Dil ke Khush rakhne ko Ghalib ye Khayaal achchhaa hai !!!
00:25 Posted in Poetry Corner | Permalink | Comments (11) | Email this
06 December 2006
Tang aa chuke hain kashmakash-e-zindagi se hum...
Tang aa chuke hain kashmakash-e-zindagi se hum
Thukraa na dein jahaan ko kahin bedilee se hum!
Maayuusi-e-ma'al-e-mohabbat na puchhiye
Apnon se pesh aaye hain begaangi se hum!
[ma'al=consequence]
Lo aaj hamne tod diyaa har rishtaa-e-ummeed
Lo ab kabhi gilaa na karenge kisi se hum!
Ubhrenge ek baar abhi dil ke val-vale
Go dab gaye hain baar-e-Gam-e-zindagi se hum!
Gar zindagi mein mil gaye phir ittefaaq se
Poochhenge apnaa haal teri bebasi se hum!
Allaah re fareb-e-maslihat ke aaj tak
duniyaa ke zulm sahte rahe Khaamoshi se hum!
[maslihat=God's will]
Hum Gham-zadaa hain laaye kahaan se Khushi ke geet
Denge wahi jo paayenge is zindagi se hum!
By: Saahir Ludhyanwi
02:20 Posted in Poetry Corner | Permalink | Comments (14) | Email this
03 November 2006
Mujh ko yakheen hai!!!!
Mujhko yakheen hai sach kehti thi Jo bhi Ammi kehti thi
Jab mere bachpan ke din the, chand mein pariyaan rehti thi!
Ek ye din jab apnon ne bhi humse naata tod liya
Ek wo din jab ped ki shaakhen bojh hamara sehti thi!
Ek ye din jab saari sadken ruthi ruthi lagti hain
Ek wo din jab aao khele saari galiyan kehti thi!
Ek ye din jab jaagi raaten diwaaron ko takti hain
Ek wo din jab shaamon ko bhi palken bojhal rehti thi!
Ek ye din jab laakhon gham aur kaal pada hai aansoon ka
Ek wo din jab ek zara si baat pe nadiyaan behti thi!
Mujhko yakheen hai sach kehti thi Jo bhi Ammi kehti thi
Jab mere bachpan ke din the, chand mein pariyaan rehti thi!
00:43 Posted in Poetry Corner | Permalink | Comments (14) | Email this
21 August 2006
Agar Gale Nahi Milta Toh................
Mohabbaton Mein Dikhawe Ki Dosti Na Mila,
Agar Gale Nahi Milta To Haath Bhi Na Mila,
Gharo Pe Naam The, Namo Ke Saath Ohde*The,
Bahut Talash Kiya Koi Admi Na Mila,
Tamaam Rishto Ko Main Ghar Pe Chod Aaya Tha,
Phir Uske Baad Mujhe Koi Ajnabi Na Mila,
Bahut Ajeeb Hai Yeh Qurbato Ki Doori Bhi,
Woh Mere Saath Raha Aur Mujhe Kabhi Na Mila,
Agar Gale Nahi Milta To Haath Bhi Na Mila,
Mohabbaton Mein Dikhawe Ki Dosti Na Mil
*designations
02:45 Posted in Poetry Corner | Permalink | Comments (8) | Email this
01 August 2006
Introducing Aseem
Aseem Agarwal is a colleague of mine, a very rare combination of Business Analyst and a poet
Aseem tells me he started writing a while ago and it has gone under wraps
I encouraged him to complete what he started and he came
back on Monday morning with his finished couplet
I took his permission to publish it
There you go live Aseem……………
Na Ishq kar kisi se itna, ki teri aashiqui hadd se guzarkar junoon ban jaaye
Na aa kareeb kise ke itna, ki uski saansein ragon mein utarkar khoon ban jaaye!
Na guzaar waqt kisi ke sang itna, ki teri judaai ki bechaini tabdeel hokar sukoon ban jaaye
Na rakh yaad kisi ko itna, ki uski haseen yaadein mohabbat ke aashiyane ka sutoon ban jaaye!
He told me what prompted him, but I am not telling you or am I?? ;-)
Ashiqui mein dil jo toota toh yeh janab shayar ban gaye
Kalam utha kar chooma aur is fun mein mahir ban gaye!
Hey that’s from me
Chao for now!!!!
08:34 Posted in Poetry Corner | Permalink | Comments (11) | Email this
18 July 2006
An intense response to............
why I cant do romantic shayari....
Mere sarakash taraane sun ke duniyaa ye samajhti hai
Ki shaayad mere dil ko ishq ke nagmon se nafrat hai
Mujhe hangaamaa-e-jang-o-jadal main kaif miltaa hai
Meri fitrat ko Khuunrezi ke afasaanon se raghbat hai
Meri duniyaa mein kuchh vaqe’at nahin hai raqs-o-nagmen ki
Mera mahboob Naghma shor-e-aahang-e-baghaavat hai
Magar ai kaash! dekhen vo meri pursoz raaton ko
Main jab taaron pe nazrein gaadkar aansoo bahaataa hoon
Tasavvur banke bhooli vaardaaten yaad aati hain
To soz-o-dard ki shiddat se pahadon tilmilaataa hoon
Koi Khvaabon mein Khvaabeedaa umangon ko jagaati hai
To apni zindagii ko maut ke pahlu mein paataa hoon
Main shaayar hoon mujhe fitrat ke nazaaron se ulfat hai
Mera dil dushman-e-naGmaa-saraai ho nahin saktaa
Mujhe insaaniyat kaa dard bhi bakhsha hai qudrat ne
Mera maqsad faqat sholaa navaai ho nahin saktaa
Javaan hoon main javaani lagzishon kaa ek tufaan hai
Meri baaton meIn rang-e-paarasaai ho nahin saktaa
Mere sarkash taraanon ki haqiqat hai to itni hai
Ki jab main dekhtaa hoon bhook ke maare kisaanon ko
Garibon ko, muflison ko, bekason ko, besahaaron ko
Sisakati naazaninon ko, tadapate naujavaanon ko
Hukumat ke tashaddud ko, amaarat ke takabbur ko
Kisi ke chithadon ko aur shahanshaahi Khazaanon ko
Toh dil taab-e-nishaat-e-bazm-e-ishrat laa nahin saktaa
Main chaahoon bhi toh Khvaab-aavaar taraane gaa nahin saktaa!!!
08:50 Posted in Poetry Corner | Permalink | Comments (19) | Email this